Salto Bera Berak bi erakustaldi egingo ditu asteburuan
Saskibaloi egokituaren bi erakustaldi eskainiko ditu Salto Bera Berak asteburuan Donostian. Horretarako, gorengo mailetan jokatzen duten hiriko gizonezkoen eta emakumezkoen taldeen lehiak hautatu dituzte. Batetik, Emakumezkoen Espainiako Bigarren Mailan jokatzen duen EHU Ibaetak larunbatean (19:00etan) Gaskan jokatuko du, eta atsedenaldian, erakustaldia egingo dute Saltokoek. Bestetik, Donostia Arenako ACBko partida aukeratu dute; Lagun Aro GBC eta Bizkaia Bilbao Basket izango dira aurrez aurre, igandean, 12:30ean, eta hor ere atsedenaldian agertuko dira Bera Berakoak. Helburua jendea sentsibilizatzea izango da, zer egiten duten erakutsiz.
