Kirolaren Egunean parte hartzeko gonbitea egin du Loiolako Erriberako auzo elkarteak

Mikel Goñi

2012/05/10

Txikienentzako jarduerak ere izango dira Loiolako Erriberako Kirolaren Egunean. (Argazkia: Mikel Goñi)

Igande goizean; hau da, maiatzaren 13an 10:30ean hasita, Kirolaren Eguneko ekimenak hasiko dira. Hori dela eta, auzo elkarteak familia erriberatar guztiak deitu ditu parte hartzera. Jarduera guztiak Oroimenaren Lorategiaren inguruan izango dira, eta batez ere, beste urteetan bezala, haurrei eta bere familiei zuzendurikoak izango dira. Ohi moduan, opariak ere banatuko dituzte, horien artean auzoaren pergamino-mapa.

Besteak beste, futbol eta saskibaloi partidak izango dira; baita boleibola, haur motorren lasterketa, toka, igela ere… Krosean haurrek eta gurasoek elkarrekin parte hartuko dute. Horietan guztietan parte hartzeko, izena eman beharko da, igandean bertan, 10:30ean.

Kirolaren Egunak hainbat babesle izaten ditu urtero, eta hauek emandako produktuak oparitan emango dizkiete parte hartzaileei. Hala ere, aurtengo erregalurik bereziena auzo elkarteak udalaren laguntzarekin egindako auzoaren mapa izango da.