Udal talde guztiek elkarrekin ospatuko dute hiriburutzaren izendapen ofiziala
Europako Kultura Ministerioak Donostia Europako Kultur Hiriburu izendatu berri du ofizialki. Europako instituzioek iazko ekainaren 28an hartutako erabakia berretsi dute; Donostia 2016an kultur hiriburu izateko prozesu luzearen azken pausoa izan da gaurkoa.
Udal talde guztiak udaletxean elkartuko dira gaur 13:15ean izendapen ofiziala ospatzeko. “Donostia gaur ofizialki Europako Kultur Hiriburu izendatzea espero genuen. Albistea alderantzizkoa izango litzateke”, esan du Bilduko Josu Ruiz zinegotziak.
“Donostiako hiritarrek izendapena merezi dute”, adierazi du gaur Jose Ignacio Wert-ek, Espainiako Hezkuntza eta Kultura ministroak. Hiriburutza arrakastatsua izateko Espainiako Gobernuak “dagokiona” emango diola gaineratu du Wert-ek.
