Lehen garagardo azoka egingo dute Herrerako frontoian
Asteazkenetik igandera izango da zabalik
Herreran garagardo azoka egingo dute lehen aldiz. Txirritako Txuri Urdinak lagunartearen ekimena izan da. Batetik, auzoko festak eta giroa bultzatu nahi dute; eta bestetik, danborradarako jantziak erosi ahal izateko dirua bildu nahi dute.
Garagardo izozkia Antolatzaileek 5.000 litro garagardo saltzea espero dute. Garagardoa bakarrik ez; saltxitxak eta ukondoa ere bai. Eta garagardo azokatan ohikoa ez den beste zerbait dastatzeko aukera ere izango da: garagardo izozkia.
Hainbat garagardo mota dastatu ahal izango dira; eta salneurriak 2’50 eta 4 euro bitartean izango dira. Saltxitxa razioak berriz 3’5 eurotan, eta ukondoa, 10 eurotan. Azoka asteazkenean ireki eta igandea arte izango da zabalik. Asteazken eta ostegunean 18:00etatik 23:00etara izango da zabalik; ostiralean, 18:00etatik 00:00etara; larunbatean, 12:00etatik 00:00etara; eta igandean, 12:00etatik 23:00etara.
