Amarako jaietarako kartel eta pegatina lehiaketa antolatu dute
Amarako jai batzordeak festak iragartzeko kartel eta pegatinen lehen lehiaketa antolatu du. Baldintza gutxi jarri dituzte lanak osatzeko. Karteletan “Amarako Jaiak 2012” eta jaien datak, “uztailak 27,28,29, 30 eta 31” agertu behar dira. Pegatinen kasuan, berriz, “Amarako Jaiak 2012” testua azalduko da. Batzordeak berak txertatuko ditu beharrezko logoak kartelaren kasuan. Parte hartzen duten diseinuekin jaien bitartean ikusgai izango den erakusketa ostatuko dute antolatzaileek.
Lanak entregatzeko epea ekainaren 24an bukatuko da, eta lehiaketan parte hartzeko kartel eta pegatina diseinuak entregatu beharko dira amarako.jaia.batzordea@gmail.com posta elektronikoan, eta posta arruntez: kartel-pegatina lehiaketa (AmarakoJaiak), osasun kalea 1, behekoa 20006 Donostia.
Postaz bidalita KD baten barnean joan behar du. Formatua PDF-a edo diseinukoa izan behar du ondoren aldaketak egin ahal izateko.
