Valentziara 34 euroren truke joateko aukera dute GBCko zaleek
Lagun Aro GBCk Valentziaren aurka play off-eko final-laurdenetako hirugarren partida jokatuko du, atzo Donostia Arenan lortutako garaipenari esker. Bihar bertan izango da lehia, La Fontetan, 20:30ean. ETBk partida zuzenean emango du, baina zale sutsuenek Valentziara joateko aukera ezinhobea dute. Izan ere, 34 euroren truke, autobus bidaia eta sarrera lortzeko aukera dago, GBCren bitartez. Bidaia ateratzeko, gutxienez, 30 lagunek eman beharko dute izena, gipuzkoabasket@gipuzkoabasket.com helbide elektronikora idatzita. Informazio gehiagorako klubaren bulegora dei daiteke: 943 44 44 28.
