Nahia de Cosen aldeko kirol jaialdia egingo dute etzi Alderdi Ederren
Nahia de Cos New Yorken da Batten gaitzaren garapena eteten lagunduko dion tratamendua lortzeko borrokan. Bien bitartean, familiaren ahaleginari eusteko kirol jardunaldia egingo dute, etzi, Alderdi Ederren, Donostia Kirolak eta Rotary elkarteak antolatuta. Rotary elkartea polio gaitzaren zabalkundea eteteko lanean ari da. Larunbatean, 10:00etatik 14:00etara eta 16:00etatik 20:00etara egingo diren golf eta esgrima saio eta ikastaroek Nahia de Cos eta Rotary elkartearen lana indartzen lagunduko dute.
