Okendo kultur etxean aurkeztuko du Calcuta Ondoan elkarteak India eta emakumeari buruzko dokumentala
Calcuta Ondoan gobernuz kanpoko erakundeak Okendo kultur etxea aukeratu du astelehenean egingo duen El empoderamiento de las mujeres, la llave del cambio dokumentalaren aurkezpena egiteko. 19:00 izango da emanaldia. Ikus-entzunezkoarekin batera, elkartearen 2011ko memoria eta solasaldia ere izango dira.
Indian emakumeek emakume izateagatik pairatzen duten egoera aztertzen du dokumentalak; hala ere, beraien aldaketarako indarrari eta gaitasunei ere errepasoa egiten die ikus-entzunezko lanak. Calcuta Ondoanek errealitate hori aldatzeko lanean hamar urte baino gehiago daramatzala ekarri du gogora.
