Udal korporazioa ezagutzeko informazio zabalagoa du Donostia.org web atariak
Udalak herritarrei ireki nahi dizkie ateak, eta «gardenagoak» izateko bidean beste urrats bat gehiago eman du. Donostia.org webguneak informazio zabalagoa du, eta lehen eskaintzen ez zituen hainbat xehetasun jartzen ditu herritarrentzat agerian. Dagoeneko udal zinegotzien eta korporazioko karguen inguruko informazio zabala kontsulta daiteke udalaren atarian. Bakoitzaren curriculuma nahiz jasotzen duten soldata ezagut daiteke, besteak beste.
