Ibilbide bihotz-osasungarrietan lehena, iruditan

Mikel Goñi

2012/06/27

Bengoetxea kaleko Sorospen Etxean hasten dira 'Ibilbide bihotz-osasungarriak'. (Argazkia: Mikel Goñi)

Poliklinika Gipuzkoak antolatutako eta Donostiako Udalak lagundutako Ibilbide bihotz-osasungarriak izeneko ekimena abian da aurten ere. Gaur egin dute programa honen lehen irteera; izan ere, bihotz arazoak dituztenak oinez ibiltzea sustatu nahi du ekimen honek, eta horretarako bost eta sei kilometroko lau paseo prestatu dituzte.

Poliklinikako fisioterapeutek gidatuta, astean behineko zortzi irteera antolatu dituzte, eta erantzunaren arabera beste lau paseo antolatuko dituzte. Hitzordua Bengoetxea kaleko Sorospen Etxean ezarri dute, asteazkenero, goizeko 8:00etan; izan ere, ibilbideei 9:30ean ekingo dieten arren aldez aurretik tentsioa neur dezakeelako nahi duenak. Ekimenean aritzeko ez da beharrezkoa aldez aurretik izena ematea, nahikoa da bertara azaltzea antolatutako paseoan parte hartzeko.

Bengoetxea kaleko Sorospen etxea abiapuntua izanik, aldaparik gabeko lau ibilbide zehaztu dituzte; hurrenez hurren, Haizearen Orrazia, Burdinazko Zubia, Anoetako estadioa eta Pasealeku Berria helmuga dutenak. Lehenengo egunean, Haizearen Orraziraino joan dira parte hartu duten 40tiko gora pertsonak.

: Bengoetxea kaleko Sorospen Etxean hasten dira ‘Ibilbide bihotz-osasungarriak’. (Argazkia: Mikel Goñi)