Biologia eta medikuntza kimika jorratuko dituzte 80 ikerlarik Ibaetan, bihar
Uztaila izan arren, jarduerak jarraitzen du Euskal Herriko Unibertsitatearen Ibaetako campusean. Hain zuzen ere, bihar bertan, 80 ikerlari inguru bilduko dira biologia eta medikuntza kimika aztertuko duen lantegi batean. Tailerrak Kimika Organikoa, Sintesia eta Katalisia izango du izenburu eta egun osoz beteko du Karlos Santamaria liburutegiaren Antonio Beristain aretoa.
Alor hauetako master eta doktorego ikasleei bereziki zuzendutakoa da lantegi hau. Antolatzailea, berriz, UPV/EHUko Kimika Zientzien Fakultateko Kimika Organikoa I saileko Katalisi Asimetriko eta Sintesi Kimikoa taldea da. Mahai inguruek, hitzaldiek eta aurkezpenek osatuko dute edukien programa.
