Damen bateriako kanoien zaharberritzea egiten ari dira

Mikel Goñi

2012/07/17

Artemis enpresako teknikariak Urgulleko kanoien zaharberritzea egiten ari dira. (Argazkia: Mikel Goñi)

Artemis Restauracion enpresa Damen bateriako kanoiak zaharberritzen ari da. 2007. urtean hasi ziren Urgull mendiaren ondarea babesteko ekimena gauzatzen, eta udara bakoitzean hainbat pieza ari dira konpontzen

Aurten Damen bateriako lau kanoiak ari dira konpontzen. Tokian bertan ari dira zaharberritze lanak gauzatzen eta eguraldiak ezarritako denbora mugak direla medio aurten ezin izan dute interpretazio zerbitzua abian jarri. Moldatze lanak hesien atzealdean egiten ari dira; hori dela eta, IRUTXULOKO HITZA-k teknikariekin hitz egin du lanen berri bere irakurleei emateko. Horren inguruko erreportajea biharko papereko argitalpenean agertuko da.