Donostikluba Txikia egingo dute Gazteszenan

Estitxu Zabala

2012/07/26

Musika alternatiboaren jaialdia udazkenean izango da, eta talde esanguratsuak jasoko ditu hirian

Gallinero All Stars taldeak aurkezpenean abestu zuen. (Argazkia: Estitxu Zabala)

Donostikluba jaialdiaren zazpigarren ekitaldia izango da aurtengoa, eta azken bi urteetan bezala, zirkuitua osatuko du hiriko eszenatokietan barrena. Gainera, aurtengo berrikuntza nagusia, haurrei zuzendutako Donostikluba Txikia izango da. Musika alternatiboari lekua ematen dion jaialdia da, eta Euskal Herriko zein nazioarteko taldeek emanaldiak ematen dituzte bertan urtez urte. GinMusicaren, Udaleko Gazteria sailaren eta Donostia Kulturaren elkarlanak bultzatutako ekimena da Donostikluba, eta aurten ere, udazkenean izango da, irailaren 28an eta urriaren 4tik 7ra. Donostikluba Txikia izeneko saio berezia Gazteszenako terrazan egingo dute, urriaren 6an. Haurrek gurasoekin batera musikaz gozatzea da antolatzaileen helburua. Gainontzeko egunetan, nazioarteko taldeei dagokienean, The Wape Pictures edota Veronica Falls taldeak izango dira; baita Anai Arrebak bezalako euskal taldeak ere. Sarrerak dagoeneko salgai daude, jaialdiaren webgunean bertan. Donostikluba 2012: Egitaraua

Irailak 28

-Le Bukowski (Egia). Sonny and The Sunsets-San Miguel Prefestiwork Party.

Urriak 4

-Gazteszena (Egia). Veronica Falls, McEnroe eta Naica. -Le Bukowski. San Miguel AfterFestiwork Bukowski Djs.

Urriak 5

-Gazteszena (Egia). The Wape Pictures, Pegasus, Tachenko eta Jero Romero.

Urriak 6

-Antzoki Zaharra (Parte Zaharra). The Tallest Man on Earth, House of Wolves eta Daniel Martin Moore. -Gazteszena (Egia). Donostikluba Txikia.

Urriak 7

-Gazteszena (Egia). Swan Fyahwoy (hip hop reggae session), La Casa Azul, Reina Republicana eta Anai Arrebak. Ondoren, Dj Coco (Apolo) &Dj Goo (Farmway Records).