Zaleentzako aurkezpen irekia egingo du Lagun Arok datorren asteartean
Iazko aurkezpeneko irudia (Argazkia: gipuzkoabasket.com)
Irailaren 25ean, hau da, datorren asteartean, Lagun Aro GBCren aurkezpena egingo dute, 20:00etan, Basque Culinary Centerren. Aurkezpena zale guztientzat irekia egongo da, eta bertan, 2012-2013 denboraldiaren aurkezpen ofiziala egingo dute klubeko arduradunek. Taldeko jokalari guztiez eta teknikariez gain, bertan izango dira Alvaro Bilbao presidentea, kontseiluko kideak, erakundeetako ordezkariak, enpresa laguntzaileak, Gipuzkoako klubetako kideak.
