Zurriolako lokala Gipuzkoako Surf Federazioarentzat izango da

Irutxuloko Hitza

2012/11/14

Zurriolako Sagueseko lokala (Argazkia: Donostiako Udala)

Sagueseko izkinan kokatuta dago lokala eta udalarekin egindako hitzarmenean, doan utziko diete. Zurriolan dagoen lokala, Gipuzkoako Surf Federazioarentzat izango da. Lokala doan utziko diete, hala ere, Federazioak mantenu, kontserbazio eta kontsumo gastuak bere gain hartu beharko ditu. Gainera, lokala egokitu beharko du, sektorearen kirol eta ekonomia jarduerak sustatzeko; kirol stageak, erakusketak, bertako surfari eta turistei bideratutako zerbitzu eta produktuak, etab.

Horretarako, Obra departamenduak Federazioak gauzatu beharko duen proiektua egingo duela adierazi dute. Era berean, urte osoan instalakuntza irekita mantentzeko konpromisoa hartu du Federazioak, gutxienez Kirol Patronatuko UDA programarekin bat eginik, surf ikastaroak edota antzekoak eskaintzearekin batera.

Gainera, lokaletara sarrera librea bermatu beharko du, aldez aurretik abisatuta eta Federazioa beraren presentziarekin betiere.

Kafetegia

Akordioak bestalde, egungo lokala aldameneko kafetegiarekin batzea aurreikusten du. Egungo kafetegiak ez baititu jarduera burutzeko eskatzen diren lege baldintzak betetzen, lokala baimena behar den egoeran ematea galarazten duen altueran kokatuta baitago.

Ondorioz, Udalak espazio hau uztea erabaki du, Federazioak metro koadro gehiago izan ditzan. Kafetegi baten falta konpentsatzeko, Udalak Kosta departamenduari hondartzan, lokalaren aldamenean, egurrezko postu txiki bat jartzeko baimena eskatuko diola adierazi du.