Donostiako Piratek dokumentala egiteko dirua lortu dute
3.000 euro behar zituzten Piraten ibilbidea jasoko duen filma bukatzeko, eta bost egunean lortu dituzte
Donostiako Piratek laguntza eskatu zuten mugimenduaren ibilbidea jasoko duen dokumentala bukatu ahal izateko. Verkami plataformaren bidez Izan Pirata filma egiteko ekarpenak jaso dituzte, eta bost egunean helburua lortu dute. Piratek 3.000 euro behar zituzten lana bukatu ahal izateko, eta jada diru kopuru hori biltzea lortu dute.
