Jon Santacanak sekulako erakustaldia egin du Munduko Kopako lehen proban

Estitxu Zabala

2013/01/14

Jon Santacana eskiatzailea eta Miguel Galindo gida (Argazkia: Servimedia)

Eski Alpinoko Munduko Kopa Paralinpiarra hasi da, eta bertan parte hartzen ari da Jon Santacana, ikusmen arazoak dituen eskiatzaile loiolatarra. Lehen proba urtarrilaren 8tik 11ra jokatu zuten Italiako Sestriere pistetan, Santacanak bi garaipen lortu zituen bertan, Miguel Galindo gidaren laguntzarekin. Gainera, beste bi probetan, bigarren postuan geratu zen.

Lehen eslalom erraldoiean lortu zuen lehen garaipena Santacanak. Izan ere, 2 minutu 14 segundo eta 96 ehuneneko denbora batu zuen bi jaitsieretako denborarekin. Bigarren garaipena, berriz, bigarren slalomean lortu zuen; 53 minutu eta 26 segundo eta 54 minutu eta 97 segundoko jaitsiera banarekin.

Chris Williamson kanadiarra izan zen bigarren slalom erraldoieko txapelduna, eta lehen slaloma, berriz, Miroslav Haraus eslovakiarrak irabazi zuen. Munduko Kopak beste hiru proba izango ditu: Suitzako St. Moritz pistetan, Esloveniako Rogla herrian, eta Errusiako Sochi herrian.