Bera Bera Kopako finalerdietan da, luzapenean Zuazo mendean hartu eta gero (25-21)
Bera Bera Eskubaloia taldeak Zuazo hartu du mendean Kopako final-laurdenetan, Galizian jokatzen ari den txapelketan. Luzapena behar izan du partidak, norgehiagokaren 60. minutuetan bi taldeek berdindu eta gero (20-20). Luzapenaren lehen zatia ere estu joan da, 22-21 amaitu baita donostiarren alde. Bigarren zatian, Reyes Karrerek zuzendutako jokalariek talde bizkaitarra hartu dute mendean, defentsan oinarrituta (25-21). Luzapenean 5-1eko partziala egin dute gipuzkoarrek, minutu onenak jokatuz.
Bera Berak Elcheren kontra jokatuko du larunbatean, 16:30ean, finalerdietan. Irabaziz gero, finala jokatuko luke igandean, 13:00etan.
Reyes Karrere entrenatzailea, Bera Berako jokalariei azalpenak ematen (Argazkia: berabera.com)
