Iparraldera begira, Koldo Mitxelena Kulturunean
Aurten hamabigarren urtez antolatuko dituzte Iparraldea bertan! jardunaldiak Donostian. Bihar, asteazkena, emango zaie hasiera Koldo Mitxelena Kulturunean mahai inguru baten bitartez. Franck Dolosor EiTBko kazetariaren gidaritzapean, Maialen Lujanbio bertsolaria, Xabier Mendiguren idazlea eta Mikel Markez musikaria Iparraldeari buruz mintzatuko dira.
Lehen solasaldi hau, bihar 19:30ean izango da.
Jardunaldiekin jarraituz, apirilaren 17an, Nadine Elgoyhen, Lucien Joa, Isabelle Jaury, Kattalin Indaburu eta Filipe Albor kantari zuberotarrek emanaldia eskainiko dute.
Eta amaitzeko, apirilaren 24an, Oskar Alegriaren Emak bakia baita filma eskainiko dute.