Pello Zabala, San Telmo Museoan
Euria erakusketa dela eta, bisita gidatuak antolatu dituzte San Telmo Museoan. Bihar, asteazkena, Pello Zabala eguraldi kontuetan aditua den fraidearen txanda izango da. Euripeko ibilbideak atalari hasiera emango dio horrela, eta hitzaldia eskainiko du, eguraldiaren inguruko gogoeta eta bitxikeriak eskainiz bisitariei.
Saioa euskaraz izango da, eta 19:00etan hasiko da. Bisita honetan nahiz hurrengoetan parte hartzea doan da, baina ezinbestekoa da aldez aurretik izena ematea, santelmo@donostia.org helbidean.