"PPren eskuetan dago herritarrek nahi dutena onartzea"
http://youtu.be/7IRcP8wCUaQ
‘Escrache’-en kanpainarekin jarraituz, hainbat herritan bildu dira PPren egoitza aurrean; HELa onartzeko eskatu dute.
Stop Kaleratzeakek deituta, hainbat herritar bildu dira PPren egoitza aurrean. Bertan PPk Herri Ekimen Legegilearen aurrean duen ardura azpimarratu dute: “PPren eskuetan dago herritarrek nahi dutena onartzea”, esan dute, eta horregatik zuzenean ekin dutela haiengana ‘escrache’ kanpaina jarraituz.
Gogorarazi dute, PPk Herri Ekimen Legegilea “herri presiopean” onartu zuela tramitera. Orain ordea, emendakinak sartu dituela PPk eta horrek “ahuldu” egiten duela HELa.
Oihuak egin dituzte, HELaren alde zein kaleratzeen aurka; “posible da, baina ez dute nahi” edo “kaleratzeak gelditu”, garrasi egin dute.
Elkarretaratzea Ertzaintzaren presentziapean egin dute.