Energia berriztagarriei buruz Donostian egindako jardunaldian izan da Udalbiltza. Mertxe Aizpurua Udalbiltzako lehendakaria izan da, gonbidatu gisa. Zazpiak Bat harreman sarea izan da antolatzaileetako bat; Udalbiltzak harekin hartu-emana du. Donostiako Udalarekin ere badu harremanik. Hala, jardunaldian egoteko gonbidapena jaso du nazio instituzioak. Halaber, hiri eta herri zenbaiteko zinegotzi eta garapen agentzietako teknikariak ere egon dira, besteren artean.
Energia berriztagarrien gaiak interesa sortzen du Udalbiltzarengan, haren ustez udalei ere euren eguneroko jardunean eragiten dielako. Lurraldetasunaren ikuspuntutuk jardunaldia garrantzitsua izan dela azpimarratu du Hegoaldeko zein Iparraldeko esperientziak jaso baitira bertan.
