Kaldero Jaun jaietan murgildu dira intxaurrondotarrak
http://youtu.be/8Ky87qoDVbQ
Kaldero Jaun jaiak hasi dira Intxaurrondon. Ohiturari jarraituz, auzoan barrena dantzan ibili zuten jaietako protagonista den Kaldero Jaun bera, atzo arratsaldean. Ondoren, Iñigo Aristegi artistak irakurri zuen jaiei hasiera eman zien pregoia, Sagastieder plazan. Hala, zailtasunak izan dituzten arren, aurten ere jaiak antolatzea lortu dutela gogorarazi zuen Aristegik, eta ondoren, txupina bota zuen. Jatorrenak txaranga giroa alaitzeaz arduratu zen, eta sagardoa eta pintxoak ez ziren falta izan. Gaur eta bihar ere izango da zertaz gozatu Intxaurrondoko jaietan.
