Hugh Jackman: "Aspalditik ezagutzen dut jaialdi hau, eta leku berezi bat du nire bihotzean"
http://youtu.be/xVLTN4eU1ME
Donostiako Zinemaldia ondo ezagutzen du, bere emazteak Debora-Lee Fuernessek aktore onenaren Zilarrezko Maskorra lortu baitzuen 90ko hamarkadan. Aurreko urteetan Donostia Saria irabazi dituztenak ere ezagutzen dituela esan du, eta bera ere sarituen artean egotea ikaragarria dela aitortu du. Hugh Jackman aktore australiarrak gaur arratsaldean jaso du Donostia Saria.
Ordu batzuk lehenago Prisoners filma aurkeztu du prentsaurreko batean, Denis Villeneuve zuzendariarekin batera. Erritmo biziko thriller bat da. Keller Dover-ek (Hugh Jackman) aita baten amesgaiztorik okerrenari egin beharko dio aurre. Sei urteko alaba Anna, eta bere laguna, Joy, desagertu egin dira, eta orduek aurrera egin ahala, izua nagusituko da. Etsita, egoera bere esku hartzea beste irtenbiderik ez duela erabakiko du Doverrek. Baina, noraino iritsiko da kosta ahala kosta familia salbatu nahi duen aita hau?
