Musika garaikidearen lekuko izango da hiria bihartik azaroaren 21era
Musikagileak Musika Garaikidearen IV. Zirkuituak zortzi kontzertu eskainiko ditu hirian.
Musikagileak Musika Garaikidearen IV. Zirkuitua bihartik azaroaren 21era izango da eta 9 kontzertuk osatuko dute, kontzertu pedagogiko bat eta mahai inguru batekin batera. Honako musikariak arituko dira bertan: Smash Ensemble, Alfonso Gomez, Silboberri Txistu Elkartea, Trio Arbos, Hitz-Xare Laborategia, Pilar Fontalba, Landarbaso Abesbatza, Grupo Instrumental Barcelona 216 eta Bilboko Orkestra Sinfonikoa. Zirkuituaren aurkezpena egin dute gaur goizean, eta Iñigo Aizpiolea Musikagileak elkarteko arduradunaren esanetan, urtean zehar egiten antolatzen duten jarduerarik garrantzitsuena da. Gainera, publiko berriengana iristea jarri dute helburutzat.
Viktoria Eugenia Antzokiko Klub Aretoan, Donostiako Orfeoiaren egoitzan, San Telmo Museoan eta Donostiako Aquariumean izango dira Donostiako kontzertuak; Bilboko Campos Eliseos Antzokian ere izango da kontzertu bat.
EGITARAUA:
BIHAR, URRIAK 3.
Smash Ensemble taldeak bihar eskainiko du kontzertua, 20:00etan, Donostiako Orfeoiaren egoitzan. (Argazkia: Smash Ensemble)
- 20:00. Smash Esemble. Honakoen obrak interpretatuko dituzte: Ramon Lazkano, Slawomir Wojciechowski, Jose Luis Tora eta Dominik Karski. Donostiako Orfeoiaren egoitzan.
- 18:30. Sormenari buruzko hizketaldiak. Musika garaikidearen inguruko utopiak eta erronkak. San Telmo Museoan.
- 20:00. Alfonso Gomez. Piano errezitaldia. Honakoen obrak interpretatuko ditu: Sofia Martinez, Joseba Torre, Guillermo Lauzurika, Carmelo Bernaola eta Pierre Boulez. Viktoria Eugeniako Klub aretoan .
- 20:00. Silboberri txistu elkartea. Honakoen obrak interpretatuko dituzte: Carlos Villasol, Francisco Ibañez, Iñaki Estrada, Hilario Extremiana eta David Cantalejo. Viktoria Eugeniako Klub areteoan.
- 20:00. Trio Arbos. Honakoen obrak interpretatuko dituzte: Toshio Hosokawa, Gabriel Erkoreka, Isabel Urrutia eta Luis de Pablo. San Telmo Museoan.
- 20:00. Hitz, xare laborategia. Honakoen obrak interpretatuko dituzte: Ignacio Ferrando, Miguel Matamoro, Jagoba Astiazaran, Iñigo Giner, Ruben Cid eta Carlos Trujillo. San Telmo museoan.
- 20:00. Pilar Fontalba. Oboe errezitaldia. Honakoen obrak interpretatuko dituzte: De Quin Wen, Mikel Chamizo eta Juan Jose Eslava. Aquariumen.
- 20:00. Landarbaso Abesbatza. Honakoen obrak interpretatuko dituzte: David Azurza, Jesus Egiguren, Koldo Pastor, Francisco Escudero, Gonzales Bastida, Luis Aranburu, Josu Elberdin, Javier Busto eta Jesus Guridi.
- 20:00. Grupo Instrumental Barcelona 216. Honakoen obrak interpretatuko dituzte: Gabriel Erkoreka, Joan Magrane, Mikel Urkiza, Pascal Gaigne eta Jesus Torres.
- 20:00. Bilbao Orkestra Sinfonikoa. Honakoen obrak interpretatuko dituzte: Iñaki Estrada, Enrique Vazquez, Gotzon Aulestia, Angel Illarramendi, Juan Carlos Perez, Zuriñe F. Gerenabarrena. Bilboko Campos Eliseos Arteria Antzokian.
