'Ibuprofeno' diskoa formatu digitalean eskuratu daiteke jada
http://youtu.be/K1Yw2cBiL2E
Ze esatek! taldearen lan berria 12 abestik osatzen dute, eta 10 eurorengatik eros daiteke.
Ze esatek! taldea ez dago geldik egoteko moduan. Ibuprofeno diskoaren sorkuntza eta estudio lanak bukatu dituzte taldekideek, eta informazioa pilulatan banatzen ari dira, Ibuprofeno kaxa bailitzan. Izan ere, gaurtik diskoa Internet bidez eros daiteke, formatu digitalean, 10 euroren truke. Horretarako sortu duten Interneteko atarian lor daiteke diskoa; eta bertan, gainera, diskoko lehenengo bi single-ak entzun daitezke doan: Ibuprofeno goizak eta Circle Pit Ska!. Betiko erritmo bizi eta dantzagarrien bidetik jarraitzen du taldeak bere laugarren diskoan, eta laster bideoklipa ere ikusgai jarriko dutela aurreratu dute.
