Lan poltsa eguneratuko du Donostiabusek

Aritz Sorzabal

2013/12/06

Donostiabuseko gidari bat. (Argazkia: Donostiabus)

Donostiabusek (Dbus) lan poltsa eguneratuko du gidari berriei begira, azkenekoa 2010ean egin eta gero. Orduz geroztik, erretiroak direla medio, pertsona batzuk finko gisa hartu dira eta baliteke egungo burtsak zama une puntualetarako erantzuna emateko gai ez izatea, 2014ko uda kasu. Horretarako, Dbusen Administrazio Kontseiluak aukeraketa komitea zein izango zen erabaki zuen eta udal gobernuaren ekimena babestu zuen, aukeraketa komitea kontseiluan ordezkaritza duten udal talde eta sindikatu guztiei irekitzeko, gardentasuna bermatze aldera. Gardentasuna bilatzen duen ekimena da, udal kontratazioarekin gertatzen den bezala. Atzora arte, komite horretan enpresa, enpresa komitea eta udal gobernua bakarrik zeuden. Osaketa berria duen komiteak atzo izan zuen bere lehen bilera eta gidaritza azterketan, beste hiri batzuetan egin den bezala, DGTko inguruko lurraldeetako azterlariek parte hartzea planteatu zuen, azterketa praktikoak bermatu eta homogeneo egite aldera, aukera berdintasunarekin batera. Urtarrilean bilera berri bat izango da azterketen datak zehaztu eta probak nola egingo diren zehazten jarraitzeko. Hala ere, dagoeneko finkatu dute lan poltsa sartzeko irizpideetako bat euskarazko lehen profila izatea dela.