Haur txoko eta gaztelekuen kudeaketa esleituko dute bihar

Agurtzane Altuna

2014/01/30

Aieteko kultur etxea. (Argazkia: Xabier Etxabe)

Otsailaren 1etik 2015eko ekainaren 30a bitarteko jarduerak egiteko 1.630.826,23 euroko aurrekontua izango dute. Udaleko Gobernu Batzordeak haur txokoen eta gaztelekuen sarea, Kontadores gazte zentroa eta Etxarriene auzo etxearen kudeaketa esleituko du bihar, lau lote edo sailetan banatuta. Guztira sei entitate aurkeztu dira lehiaketara. Lehen lotera hiru entitate, bigarrenera bi entitate, hirugarren sailera hiru, eta laugarren lotera bi entitate aurkeztu dira. Otsailaren 1etik aurrera lehenengo hiru multzoak Hezi Zerb SL-ri esleituko zaizkio. Proiektu teknikoetan puntuaziorik altuenak lortu ditu, eta eskaintza ekonomikoarekin baturik, bere proiektua suertatu da garaile. Kontadores gazte zentroa, berriz, Artaziak SL-k kudeatuko du. Kontratua esleitzeko irizpideen artean, proiektu teknikoaren proposamenak baloratu dituzte batetik, eta proposamen ekonomikoak bestetik. Dena den, Udalaren arabera, proiektu teknikoa izan da irizpide garrantzitsuena, hezkuntza proiektuari eman zaiolako lehentasuna. Denboraldia kudeatzeko jasoko duten diru kopurua honela banatuko dute: -1. loteak (Egia eta Martuteneko haur txokoak eta gaztelekuak, eta Etxarriene auzo etxea): 458.238,30 euro. -2. loteak (Aiete eta Amarako haur txoko eta gaztelekuak eta Antiguako haur eta gazte elkargunea): 428.496,38 euro. -3. loteak (Bidebietako haur txokoa eta gaztelekua, Groseko haur txokoa eta gaztelekua eta Intxaurrondoko haur txokoa eta gaztelekua): 589.773,86 euro. -4. loteak (Kontadores gazte zentroa): 154.317,92 euro. Ordutegi berriak Otsailaren 1etik aurrera, kudeaketa berriarekin sarean dauden espazioen ordutegia bateratu egingo dute. Haur txokoak: – Aiete, Amara, Bidebieta, Egia, Gros, Intxaurrondo eta Martutene: Asteartetik ostegunera: 16:30etik 19:30era Ostiral eta larunbatetan: 16:30etik 20:00etara -Antigua: Larunbatetan: 16:00etatik 18:15era Gaztelekuak – Amara, Bidebieta, Egia, Gros, Intxaurrondo eta Martutene: Asteartetik ostiralera: 17:00etatik 20:00etara Larunbatetan: 17:00etatik 21:00etara – Aiete: Astearte, asteazken eta ostegunetan: 17:00etatik 20:00etara Ostiraletan: 17:00etatik 20:30era Larunbatetan: 16:30etik 20:00etara -Antigua Larunbatetan: 18:30etik 21:00etara Kontadores Asteartetik ostiralera: 17:30etik 20:30era Larunbatetan: 17:30etik 21:30era Etxarriene Astelehenetik larunbatera: 16:30etik 20:30era Orain arte bezala, uztailean eta abuztuan guztiak itxita egongo dira.