Txikijazz programak lau kontzertu eskainiko ditu otsaila eta ekaina bitartean

Irutxuloko Hitza

2014/02/06

Mastretta taldeko kideak. (Argazkia: Jazzaldia)

Jazzaldiaren barruan sortutako programa da Txikijazz. Iazko ekitaldian sortu zuten, eta haurrentzako jarduerek izandako arrakasta ikusita, urtean zehar ere programa honekin jarraitzea erabaki dute. Txikijazz Kluba izena jarri diote, eta Jazzaldian egin bezala, haurrei eta familiei zuzendutako kontzertu didaktikoak eskainiko dituzte. Otsaila eta ekaina bitartean lau kontzertuko programa antolatu du. Txikijazz Klubaren helburua musika –jazza, kasu honetan–haurrei eta haien familiei hurbiltzea da. Jarduerak euskaraz izango dira.

Ondorengo kontzertu hauek programatu dira:

[box]

Mastretta. Nacho Mastrettaren programak musikaren oinarriak er

akusten dizkie haurrei modu parte-hartzaile batean, musikaren funtsezko balioak irakasten dituzten jolas xume batzuen bitartez. Otsailak 8. 18:00. Kursaaleko erabilera anitzeko

aretoak. 8€. (Sarrerak agortu egin dira)

Gregario de Luxe. Kontzertuaren hasieran musika beltza deituaren jato

rria azaltzen zaie neska-mutikoei: Afrikatik Estatu Batuetara itsasontzietan eramandako esklaboak, lehenengo espiritualak… bluesera iritsi eta soulean amaitu arte. Gero, bandako kideek soula egiteko erabiltzen diren musika-tresnak erakusten dizkiete haurrei, baita nolako soinua duten ere; musikari beltzen eta zurien arteko elkarbizitzaz hitz egiten diete eta emakumezko bat –Aretha Franklin– musika horretako izar nola bilakatu zen azaltzen dute. Martxoak 23. 12:00. Victoria Eugenia Kluba. 8€.

Jazzarekin: jazzeko istorioak. Xede pedagogikoz, baina jolasa eta dibertsioa baztertu gabe, Musikanaiz elkarteak jazzeko piezak interpretatuko ditu eta musika mota horren historia azalduko die txikienei, jazzeko pieza eta

kontzeptu garrantzitsuenetan zehar ibilbide musikal bat eginez. Maiatzak 4. 12:00. Victoria Eugenia Kluba. 8€.

Bluesarekin: blueseko istorioak. Bluesarekin ikuskizuna blueseko kontzertu didaktiko

bat da, neska-mutikoei zuzendua. Saio honen helburu nagusia musika mota hori ezagutzera ematea da jolasaren eta parte-hartze aktiboaren bitartez, hau da, abestuz, dantza eginez, antzeztuz eta musika- tresnak joz.

Ekainak 22. 12:00. Victoria Eugenia Kluba. 8€.

[/box]