Aingeru Zaindariaren Eguna ospatuko dute Ibaetan

Estitxu Zabala

2014/02/28

Martxoaren 10a arte auzoko jaiek hainbat jardura jasoko dituzte.

Aingeru Zaindariaren erromerian auzotar ugari batzen dira urtero. (Argazkia: Ibaetako jai batzordea)

Aingeru Zaindariaren Eguna izaten da urtero Ibaetako jaietako egun handia. Haur eta helduek bat egiten dute Aingeru Zaindariaren ermitan, eta erromeriaz gozatzen dute. Zehazki, bihartik martxoaren 10a bitartean ospatuko dituzte auzoko jaiak Ibaetako bizilagunek, eta biharko guztia prest daukate. Hasteko, ermitan bertan meza izango dute 11:00etan, ondoren, salda beroa hartuko dute, eta Gorriti eta bere animalien showa izango da, urtero legez. 12:45ean, bertsolarien txanda izango da; hala, kantari arituko dira Sebastian Lizaso, Andoni Egaña eta Beñat eta Unai Gaztelumendi. Arratsaldean ere Gorritik jolasak egingo ditu, eta bertsolarien ere saioa izango dute; 19:00etan, trikitixaren txanda izango da. Igandean, berriz, kadete mailako 37. Txirrindularitza Irekiera Sari Nagusia jokatuko dute. 2014ko IBAETAKO JAIEN EGITARAUA MARTXOAK 1, LARUNBATA AINGERU ZAINDARIAREN ERMITAN

11:00. Meza
12:00. Salda, trikitixa eta Gorriti show.
12:45. Sebastian Lizaso, Andoni Egaña eta Gaztelumendi-anaiak bertsotan.
17:00. Gorriti show.
18:30. Bertsolarien bigarren saioa.
19:00. Txikitixa.

MARTXOAK 2, IGANDEA IBAETAKO INDUSTRIALDEAN

10:00. Kadete mailako 37. Txirrindularitza Sari Nagusia.

MARTXOAK 7, OSTIRALA (txozna LAU TXIMENETAN) AITOR ZABALETA PLAZAN EDO LAUTXIMENETA FRONTOIAN (eguraldiaren arabera)

17:30. Txaranga ORIA eta buruhaundiak.
18:00. Txokolate-jana.
18:00. Gazteentzako Playback Dantzaoke.
21:15. Danborrada-poteo auzoan zehar (18 urtetik gorakoentzat). Irteera Elizaren behekaldetik.

LAUTXIMENETA FRONTOIAN

22:30. Kontzertuak: SKIFIRE REGGAE BAND, GLAUKOMA eta 3GABE2.

MARTXOAK 8, LARUNBATA (txozna LAU TXIMENETAN) AITOR ZABALETA PLAZAN EDO LAUTXIMENETA FRONTOIAN eguraldiaren arabera

12:00. Haurrentzat ikuskizuna: Malas compañias zirko taldearen Orsai ikuskizuna.
13.15. ILAE Ihauteriko konpartsa.
16:30. Haurrentzako jolasak: lokotxak, arraultza lasterketa, zinta lasterketa…
17:00. Aingeru Guardakora igoera. Izen-ematea: Aitor Zabaleta plazako oholtzan.
18:00. Txaranga ORIA eta buruhandiak.
18:30. Txokolate-jana.
19:30. Egan taldearen emanaldia.
20.30. Baserritar-poteoa EONIAN elektro-txarangarekin.
20:30. Herri afaria parrokiako beheko aretoan.
23:30. Kontzertuak: TXORROSKILO, ODOLAREN MINTZOA eta ERATU.
02:00. Zinta lasterketa. (ezinbestekoa da bizikleta eramatea).

MARTXOAK 9, IGANDEA (txozna LAU TXIMENETAN) AITOR ZABALETA PLAZAN EDO LAUTXIMENETA FRONTOIAN eguraldiaren arabera

10:00. Diana eta dultzaineroak.
10:30. Toka eta bote txapelketa.
11:00. Eskolarteko haur krosa Errotaburun.
11:00. Haurrentzako marrazki lehiaketa Errotaburun.
12:30. Patata tortila lehiaketa.
12:45. Sagardo dastaketa.
16:30. Euskal dantzak: IBAI ikastola.
17:00. Mus azkar txapelketa Aratz erretegian.
17:30. Herri Kirolak.
18:30. EGAN taldearen emanaldia.

MARTXOAK 10, ASTELEHENA AITOR ZABALETA PLAZAN EDO/ETA LAUTXIMENETA FRONTOIAN eguraldiaren arabera

17:00. Umeen eguna (Feriak prezio erdian).
17:30. ROLLERS jaialdia. DONOSTIROLLERSen laguntzaz (5 urtetik aurrera). Ume bakoitzak beharrezko ekipamendua eraman beharko du (kaskoa, patinak, belaunak babestekoak,…).
18:45. Txokolate-jana.
Ondoren, jaien bukaera.