Raul Gomezek eta Claudia Behobidek irabazi dute Aingeru Zaindariaren XI. Igoera

Lide Ferreira

2014/03/08

Begoña Julian altzatarra hirugarrena izan da emakumezkoetan, eta gizonezkoetan Aitor Etxeberria igeldotarrak bigarren lekuan gelditu da.

Aingeru Zaindariaren XI. Igoera. (Argazkia: Lide Ferreira)

Urtero bezala, Ibaetako jaien egitarauaren barruan, Aingeru Zaindariaren XI. Igoera jokatu dute. Lasterketa 17:00etan hasi da eta partaideek 6,1 kilometro egin dituzte. Auzotik zehar bi bira eman ondoren, Aingeru Zaindariaren ermitan bukatu dute. Eguzkia batzuentzat lagun izan den arren, beste askok lasterketa gogorra izan dela aitortu dute, bereziki ermitarako bide aldapatsua. Lasterketa amaitu bezain laster, irabazleen izenak eta sailkapena eman dute: Emakumeen sailkapena:

Claudaia Behobide (Hondarribia).
Nerea Amilibia (Aia).
Begoña Julian (Altza).
Marina Gonzalez (Irun).
Esther Estefania (Errenteria).

Gizonen sailkapena:

Raul Gomez (Lasarte).
Aitor Etxeberria (Igeldo).
Raul Tejado (Lasarte).
Victor Madejon (Irun).
Borja Romero (Lasarte).

Horretaz gain, gazteen artean ere sari bat eman diote Ibaetako Jon Ander Ansari. Ibaetako saria ere egon da eta Pedro Manuel Esnaola auzotarrak eskuratu du. Ibaetako Krosak Gipuzkoako Challengeari hasiera emango dion proba izango da. Guztira, 14 lasterketek osatuko dute challengea, eta horietako gehienak Donostian izango dira. Esaterako, hurrengo proba apirilaren 5ean izango da; Sudur Krosaren bosgarren ekitaldia, alegia. Egiako parkean jokatuko dute.