Ondo jokatu du Gipuzkoa Basketek, baina Murtziak ere defentsa lan ona egin du eta azken minutura arte ez dute garaipena ziurtatzerik izan. Denbora agortu ahala tentsioa ere areagotu egin da, eta kanpoko jokalariek jokaldi itsusi batzuk ere egin dituzte.
Dena dela, Neto, Salgado eta Robinsonen jokoa nabarmenduz, partida orekatua jokatu du etxeko taldeak eta denboraldiko hamargarren garaipena lortu dute horrela. Illunbeko zaleek ere gogotik ospatu dute garaipena. Bost puntuko aldearekin amaitu da partida, 85-80.
