Itsaso Gutierrez eta Ekhi Vegasek euren proiektu berria aurkeztuko dute
http://youtu.be/wPzD7r6GJ5M On musika taldeko Itsaso Gutierrez eta Ekhi Vegas izango dira Irutxuloko Hitzaren aldeko kontzertu akustikoan joko duten musikarietako batzuk.
Hurrengo ostegunean, maiatzaren 15ean, Irutxuloko Hitzak kontzertu akustiko bat antolatu du (Udal Liburutegi Nagusiaren ekitaldi aretoan, San Jeronimo kalean, 20:00etan). Irutxuloko Hitzak aurrera egin dezan prestatu dugun kanpainaren emanaldietako bat da hau. On musika taldeko Itsaso Gutierrez eta Ekhi Vegas izango dira zuzeneko honetako gonbidatuetako batzuk. Bideo batean azaldu digu bi musikariak proiektu berri bat prestatzen ari direla, eta lan berri honen aurrerapen bat izango dela.
Iker Laurobak ere joko du emanaldi honetan, eta zenbait lagun izango dira berarekin eszenatokian. Irutxuloko Hitza zaleok! Han espero zaituztegu! Kontzertuan bildutako dirua gure proiektura bideratuko dugu. Sarrerak emanaldiaren sarreran eskuratu ahal izango dira 6 euroren truke.
