Irutxuloko Hitzaren aldeko pilota partida Ibaetako frontoian

Irutxuloko Hitza

2014/05/19

Mikel Goñi pilotaria. (Argazkia: Irutxuloko Hitza)

Eskuz binakako pilota partida mundiala antolatu du Irutxuloko Hitzak ekainaren 15ean. Mikel Goñi eta Elolak, Alberto Beloki eta Gorrotxategiren aurkako partida jokatuko dute Ibaetako frontoian, 12:30ean. Umorezko bakarrizketa bat egin genuen lehendabizi, kontzertu akustiko bat ondoren… eta oraingoan, pilota partida mundial bat. Ekainaren 15ean, 12:30ean, Ibaetako frontoian espero zaituztegu.

Mikel Goñi – Elola Alberto Beloki – Gorrotxategi

Irutxuloko Hitzaren aldeko pilota partida

Partidaren kartela.

Irutxuloko Hitzaren aldeko kanpainaren barruan antolatutako partida bat izango da, eta sarreren bidez lortutako dirua gure proiektua aurrera ateratzeko bideratuko dugu. Antiguako Pilota Eskolarekin elkarlanean antolatu dugu partida. Sarrerak jada Triku Harri (Antigua), Aratz erretegia (Ibaeta) eta Rekalde (Parte Zaharra) tabernetan eskura daitezke 7 eurotan. Partida aurretik 9 eurotan salduko ditugu, frontoian bertan.

Igarako Fasprint inprentak, Arimasagasti gaztak eta Aratz erretegiak babestu dute Irutxuloko Hitzaren aldeko pilota partida.