Realeko belar hockey taldeak bihar beste partida bat jokatu beharko du
Liga eskuratzeko aukera izango du bihar, 12:30ean jokatuko duen partidan.
Realeko belar hockey taldeak Ohorezko Mailako Liga gaur eskuratzeko aukera zuen, baina bihar arte itxaron beharko du. Izan ere, Club de Camporen aurka 1-3 galdu ostean, bihar beste partida bat jokatu beharko du, 12:30ean, Bera Beran.
Pablo Fernandezek gidatutako taldea Poli jokalariak sartutako gol bati esker, irabazten hasi da, aurreko asteburuan lortutako garaipenari jarraipena emanez. Hala ere, Club de Campok partidari buelta eman dio eta talde txuri-urdinak 1-3 galdu du.
Aurten Realak Liga eskuratuko balu, bere historiako bederatzigarren lorpena litzateke; 1981, 1986, 1993, 1994, 1997, 1998, 1999 eta 2013 urteetan bezalaxe.
(Argazkia: Reala)
