Arrano Beltza elkartearen 35. urtebetetzea ospatu dute

Estitxu Zabala

2014/06/28

Jo ta Ke Ikasi Arte txarangak Parte Zaharreko kaleak alaitu ditu, bazkaria baino lehen. (Argazkia: E. Zabala)

Jai ederra egin dute gaur Arrano Beltza Euskaltokiko kideek, Parte Zaharreko elkartearen 35. urteurrena ospatzeko. Trinitate plazan hainbat jarduera antolatu dituzte, eta auzoko kaleetan barrena, berriz, kantu-dantza jira, eta poteo musikatua egin dituzte, Jo ta Ke Ikasi Arte txarangarekin. Hori guztia, elkartean bertan egin behar zuten bazkariaren aurretik izan da, eta arratsaldean, Mikel Karton eta Fermin Balentziarekin kantaldi ederraz gozatzeko asmoa zuten. Azken batean, elkartearen urtemugaren aitzakiarekin, auzoko lagunak elkartzea izan dute helburu.