Irutxuloko Hitzak lehen donostiarra sarituko du
http://youtu.be/bLhlfgkidG0
Hiribira elkarteak Donostia Kriterium lasterketa ekarriko du larunbatean. Irutxuloko Hitza fixie bizikleta zaleen proba ikusgarri honen laguntzailea da.
90eko hamarkada arte Donostiako Klasikoaren harira egin ohi zen Gaueko Kriteriumaren izaera berreskuratu du Hiribira elkarteak. Hurrengo uztailaren 12an, Donostia Kriterium lasterketa egingo dute 21:30ean. Sagues eta Gros hartuko dute proba honetan lehiatuko diren partaideek. Ikuskizun ikusgarria izango da, zinez.
Festa, lehia, ikuskizuna, kirola eta paisaia ikusgarria ekarriko ditu kriteriumak hirira. Irutxuloko Hitzak lasterketa honen laguntzaileetako bat da, eta denborarik onena egiten duen donostiarra sarituko du. Irutxuloko Hitzaren aldeko kanpainaren baitan Mattin ilustratzaileak diseinatutako kamiseta bat eta poltsa bat eskuratuko ditu donostiar azkarrenak, baita Irutxuloko Hitzaren kantinplora eroso bat.
