Iaz Kursaalen Zinemaldiko sarrerak lortzeko sortutako ilara. (Argazkia: Lide Ferreira)
Arduradunek gaur jakinarazi dutenaren arabera, 62. Zinemaldirako sarrerak bi datatan jarriko dituzte salgai:
- Ostirala, irailak 12, 9:00etatik aurrera: Sail Ofizialeko galetarako sarrerak (Inaugurazioa, Donostia Saria eta Klausura), Internet bidez; gainerako kanaletan, irailaren 14ko 9:00etatik aurrera.
- Igandea, irailak 14, 9:00etatik aurrera: Gainerako saioak kanal guztietan. Zinemaldi Plazako leihatiletan (Kursaal jauregiko beheko solairua) eta Kursaaleko leihatiletan (Sail Ofizialeko abonamenduak eta 10 sarreratik beherako erosketak), eta Interneten Sansebastianfestival.com eta Kutxabank.net).
Sarrerak beste leku batzuetan ere erosi ahalko dira: Victoria Eugenia Antzokia, Antzoki Zaharra, Principe zinema-aretoak (hilaren 19tik aurrera) eta Trueba eta Antiguo Berri zinema-aretoak (hilaren 20etik aurrera). Belodromoko sarrerak Anoetako 23. leihatilan ere jarriko dituzte salgai, saioak hasi baino bi ordu lehenago.
Sail Ofizialeko B Zonako sarrerak dagokion abonamenduaren bitartez bakarrik erosteko aukera egongo da, eta saio bakoitzeko gehienez 4 sarrera erosi ahalko ditu pertsona bakoitzak. Hala, 7, 20 euro balio duten saioetarako hamar sarrera baino gehiago erostean, % 25 deskontua egingo dute salmenta-kanal guztietan eta leihatilatan. San Telmo Museoko emanaldietarako sarrerek, berriz, 3 euro balioko dute. Bestalde, Kutxabanken Gazte Txartela dutenek (Gaztekutxa, Visa K26 eta Vital Gazte) % 50eko deskontua izango dute sarrera bakoitzean, K1-eko galatan eta Belodromoko saioetan izan ezik. Gainera, euro bat bakarrik ordainduko dute euskarazko azpidatziak dituzten filmeetan. Donostia Kultura Txartela eta Gazte Txartela dutenek % 10eko deskontua izango dute 7,20 euro balio duten saioetan. Deskontua egiteko Zinemaldiko leihatiletan, Kursaalen eta Viktoria Eugenian erosi beharko dituzte sarrerak zinezaleek. Txartelak soilik lehiatiketan erabili daitezke.
Programazioari buruzko informazio guztia
Zinemaldiaren webgunean jarriko dute eskuragarri irailaren 13tik aurrera: www.sansebastianfestival.com; bertan leihatilen ordutegiei, ordaintzeko moduei, deskontuei eta sarreren salmenta-baldintzei buruzko xehetasun guztiak jarriko dituzte.
