Kataluniako Diadaren eta Eskoziako Erreferendumaren harira, Konstituzionalistok Mugimenduak bi hitzaldi antolatu ditu datorren astelehenerako, irailak 15, Koldo Mitxelena Kulturunean. Gai nagusia nabar askapen estatala izango da: Nabarroko Euskal Estatuaren Lehen Errepublikaranzko prozesu konstituente, meritukratiko eta iluminista; eta, 19:00etatik aurrera emango dituzte hitzaldiak.
- Konstituzionalismo Meritukratiko Batetarantz
Hizlaria: Bingen Haretzederra Erentxun
Askapen estatalak askapen soziala ekarri behar dio Euskariari. Nabarroko Euskal Estatuaren Lehen Errepublika euskarak biziraun duen hiru administrazio kolonialen federazio batetik abiatzen da. Frantziak eta Espainiak 1200ean, 1512an eta 1620an konkistatutako lurraldeen errestituzio aktualizatua nahi dugu. Justizia sozialean, aukeren berdintasunean eta merituan oinarritzen den konstituzio meritukratikoaren arabera. Meritukraziaren oinarria plutokrazia suntsitzen duen Jaraunspenaren Gaineko %100eko Zerga da.
Hizlaria: Andoni Errazkin Beratzadi
Gizadiak bi erlijio ukan ditu: fedea eta jakintza. Fedearen erlijioek jainko kanpotiar, ahalguztidun eta bukatua irakatsi digute. Jakintzaren erlijioek jainko barrutiar, ikasle eta garakorra irakatsi digute. Lehen moldean judaismoa, kristianismoa eta islamismoa aurkitzen dira. Bigarren moldean budhismoa, taoismoa eta iluminismoa aurkitzen dira. Aipatutako erlijio hauetatik guztietatik soilik iluminismoak askatzen gaitu: matematikak.
