Gipuzkoa Basketek igandean ekingo dio denboraldi berriari
Taldearen aurkezpenean, lana eta esfortzua nabarmendu dituzte.
Gipuzkoa Basket denboraldi berriari ekiteko prest dago, eta atzo arratsaldean egin zuen talde guztiaren aurkezpena. Izan ere, ACB Ligako lehen jardunaldiari dagokion partida jokatuko du, datorren igandean, 19:00etan, Estudiantesen aurka, etxetik kanpo. Kutxaren Andia kaleko ekitaldi aretoan egin zuten aurkezpena, eta bertan izan ziren Gipuzkoa Basketeko jokalariak eta arduradunak, Juan Karlos Izagirre alkatearekin batera. Aurkezpenean, gainera, 200 zale inguru elkartu ziren.
Jaume Ponsarnau entrenatzaileak eta David Doblas kapitainak hartu zuten hitza, eta klubaren baloreak, esfortzua, lana eta konpromisoa nabarmendu zituzten 2014-2015 denboraldiari begira.
GBCko kideak, atzoko aurkezpenean, alkatearekin batera. (Argazkia: gipuzkoabasket.com)
