Bakearen Usoak ez du baldintzatuko Saguesen hotel bat egiteko aukera

ane urrutikoetxea

2015/02/11

Bakearen Usoa proiektua. Eskultura horrela geratuko litzateke. (Argazkia: Donostiako Udala)

Udal gobernuak gaur azaldu duenez, Saguesen Bakearen Usoa jartzeak ez du Plan Orokorrak hotel bat jartzeko aurreikusten duen aukera baldintzatzen; Nora Galparsoro Azpiegitura eta Zerbitzuetako zinegotziarne esanetan, kontrakoa esaten duenak ez du Plan Orokorra irakurri.

Horrekin batera, oposizioak Nestor Basterretxearen eskultura Saguesera eramateari buruz piztu duten eztabaida baldintzatu nahi izana salatu du Galparsorok.

Dena den, udal gobernuak adierazi nahi du Donostiako turismoaren arrakastaren gakoa den jasangarritasunaren mesedetan eta itsasoaren ingurua lehenetsi eta babestu nahian, ez duela planteatu, aspaldi azaldu duen bezala, inguru honetan hotel bat eraikitzeko aukera.