Herri unibertsitatea bultzatzen ari dira Ibaetan

Ikasle Abertzaleak taldeak bultzatuta, hainbat jarduera egiten ari dira campusean

Estitxu Zabala

2015/03/17

GUnea proiektuaren sorrerari buruzko hitzaldia. (Argazkia: Ibaetako Ikasle Abertzaleak)

Ikasle Abertzaleak taldea jo eta ke lanean ari da. Herri Unibertsitateak izenekoak abian jarri dituzte Euskal Herriko hainbat unibertsitatetan, Ibaeta, Gasteiz, Bilbo, Leioa eta Iruñean, hain zuzen ere. Egungo hezkuntza ereduaren aurrean alternatibak daudela erakutsi nahi dute ikasleek, eta hiru eguneko jarduerak antolatu dituzte, astelehenetik asteazkenera. Hala, hitzaldiak eta tailerrak eskaintzen ari dira campusetan, goizetik gauera. Jardueren bidez, hezkuntza eredua eta alternatiben inguruan pentsatu eta eztabaidatzen ari dira, besteak beste. “Herritik eta herriarentzat eraikitako eredua” nahi dute, eta hori garatzen ari dira, hiru egunez, hainbat ikasleren partaidetzarekin. “Lanean segi ezgero, eguneroko eredu bihurtuko da Herri Unibertsitatea”, diote ikasle abertzaleek. Uneoro Ibaetan egiten ari diren jardueren berri ematean ari dira Twitter-en, @ibaetakoia kontuaren bidez. Bihar eguerdian bukatuko dituzte jarduerak, eta partaide guztiak bilduta argazki bat ateratzeko asmoa dute. IBAETAKO HERRI UNIBERTSITATEA. EGITARAUA. Martxoak 16, astelehena

12:30. Paroia. Herri unibertsitatearen aurkezpena
14:30. Bazkaria
16:00. Ezagutza jolasak
17:00. Ibaetako proiektuen azalpena
18:00. Hitzaldiak: Demokrazia gizartean eta estatuan, elikadura burujabetza
19:30. Eskola kolektiboak
20:30. Afaria
22:00. Dokumentala

Martxoak 17, asteartea

9:00. Gosaria
10:00. Esnatze jolasak
10:30. Hitzaldiak: Amalurraren defentsa, EU2015, Gizarte ekonomia
12:00. Tailerrak: desobedientzia tailerra, Mikromatxismo tailerra, Gorpuzkera tailerra
17:00. Hitzaldiak: Hego Ameriketako Konstituzionalismoa, Donbasseko gatazka
18:00. Txokolate jatea.
18:30. Hitzaldiak: Askapena, Topatu.info, Sahara eta Mexikon egondako brigadista
20:00. Dokumentala
21:30. Afaria. Ondoren gaubela eta itxiera

Martxoak 18, asaetean

9:00. Gosaria eta esnatze jolasak
10:30. Kolektibizaturen aurkezpena
11:00. Hamaiketakoa eta ondoren… ginkana: Non gaude? Nora goaz?
Amaitzeko, argazki erraldoia!