Kurt Baker 'Rocka Bai Baby' kontzertuan
Haur eta familientzako emanaldi berezi bat egin du Dabadaban.
Adin guztietako musika zaleak erakartzen baditu ere, haur eta familientzako kontzertuak dira Rocka bai Baby! Rocka Bai Baby! Donostian jada horrelako hiru emanaldi egin dituzte Autoramas, Munlet eta Kurt Baker-ekin.
Babaloo produkzioak taldeak antolatzen ditu kontzertu hauek, eta harrera ederra izan dute. Rocka haurrena ere badela aldarrikatzeaz gain, beraientzako tailer bereziak prestatzen dituzte kontzertua hasi baino lehen. Igeru Films-eko Mikel Yarzak azken emanaldiaren une onenak jaso ditu bideo honetan. Azken emanaldian Kurt Baker musikariarekin gozatu zuten ikusle txiki eta handiek. Bakarlari gisa ez ezik, Donostiako Bullet Proof Lovers taldean ere jotzen du Baker-ek.
