Monpasetik Platako itsasargiraino doa bidea, GR-121 ibilbidetik.
Uliako bideak seinalizatuta egongo dira, irudian ikusten den moduan: (Argazkia: Donostiako Udala)
Monpasetik Platako itsasargiraino doa bidea da, GR-121 ibilbidetik. Ibilbidearen hasieran eta bukaeran bi panel jarri dituzte, eta bertan ibilbidean aurki daitezkeen
interes geologikoko 11 puntu zehaztu dituzte, haietako bakoitzean arroken jatorriari eta bilakaerari buruzko informazioa bilduz; mendiaren historia geologikoa ezagutzeko helburuarekin osatu dute bidea.
Lau hizkuntzatan daude panelak -euskara, gaztelera, frantsesa, eta ingelesa- eta panel bakoitzak
QR kodea du bertatik informazio zabalagoa eskuratzeko. Ibilbideak
bederatzi kilometroko luzera du, hiru ordutan egin daiteke.
Seinalizazioarekin batera, udalak ibilbidea ezagutzera emateko
500 eskuorri banatu ditu; interesa duenak Club Vasco de Camping, Cristina Enea Fundazioa, Uliako Interpretazio Zentroa, Turismo Bulegoa, San Telmo Museoan eta kultur etxeetan aurkituko ditu eskuorriak. Horrekin batera, udalaren
Ingurumen saileko weborrian esteka bat jarri dute geoibilbidearen inguruko informazioarekin eta argazkiekin.
Ingurune pribilegiatua
Ulia mendia ingurune pribilegiatua da, paisaia, natura eta historia uztartzen baititu. Ulia mendiaren lur-azpia hareharrizkoa da.
50 milioi urte inguru ditu: itsas hondotik azaleratutako arrokek osatu zuten, Pirinioak sortu zirenean. Haizearen, euriaren eta olatuen higadurak paisaia konfiguratu dute, eta haitzulo, hutsune eta geogorma benetan ederrak sortu ditu, ibilbidea egitean ikusgai daudenak.
