Gastronomia, ingurumena eta musika ekarriko dituzte aurtengo Surfilm Festibalean
Hilaren 24an hasi eta 28a arte, guztira 21 film eskainiko dituzte jaialdiaren 13. edizioan; aurtengo herrialde gonbidatua Txile izango da.
Donostia Kulturako zinema arduradun Josemi Beltran, Donostiako alkate Eneko Goia eta Surf Film Festibaleko zuzendari Sancho Rodriguezek aukeztu dute jaialdia. (Argazkia: Ane Urrutikoetxea)
Programa zabala eta munduko estreinaldia
Hiriko zortzi guneetan eskainiko dituzte jaialdiko filmak. Euskal zuzendariei ere tartea egin diete, eta hain zuzen ere, Koldo Almandozen Zeinuak film laburrak emango dio hasiera jaialdiari, hilaren 26an Antzoki Zaharrean. Egun eta toki berean, Pedro Tembouryren La primera ola filmaren munduko estreinaldia eskainiko dute. Hilaren 27an kalera aterako da zinema, eguraldiak laguntzen badu behintzat; hala, zinema areto bihurtuko dute Sagueseko Aita Klaret plaza. Bertan, Chris Mallory txiletarraren El hijo del Pescador eskainiko dute. Ondoren, Masaki Sekiguchiren Persona eta Jon Aspururen Izustarri emando dituzte ere. Rodriguezek Aspururen lana azpimarratu du, Orioko surf zale beterano eta gazteak biltzen baititu lanak. Eguna Iker San Martinen Deepwater Surf eta Micjey Smithen Aileens filmekin amaituko dute. Haurren eguna izango da hilaren 28a, izan ere Grom Attack gazteenei zuzendutako azpisaila eskainiko dute Antzoki Zaharrean. Hain zuzen ere, beldurrezko eta fantasiazko generoari tartea eskainiko diote Toby Creganen Nix Nic Nooley filmarekin, eta baita Roberto Fuentesen Atasko laburrarekin ere. Bestalde, Nazaret ikastetxeko ikasleek egindako Izan Ezberdin lana aurkeztuko dute. Saioa Iñigo Agoteren Libre, Jack McCoyren Kong’s Island, Kepa Aceroren Proporoca eta Natxo Susaetaren Kid’s Milenium lanekin amaituko dute.Irailean ere, Surf zinema
Datorren asteko jaialdiarekin batera, Hainbat film eskainiko dituzte irailaren 22an. Saioa Zumosolek aurkezten du, eta bertan Rodrigo Fariasen Viejo Perro, Mark Sutherlanden Dream, Ibon Antuñanoren Loading, Iñigo Gaitonen Errepika, The inertiaren Icon: Mike Coots, Mario Azurzaren El Ciruelo eta Seb Zanellaren Dave Rastovich eskainiko dituzte.Zinema baino askoz ere gehiago
Jaildiaren oinarri nagusia filmak badira ere, aurten zabaltzea izan dute helburu antolatzaileek. Jaialdiaren zuzendariaren esanetan, dirulaguntzak inoiz baino hobeak izan dira, eta hori aprobetxatuz, Donostitik aterako dira aurten, esate baterako Mundakara, eta baita Espainiako hainbat hiritara ere. Horrekin batera, elkarrizketak eta bestelako jarduerak antolatu dituzte. Hilaren 24an, Okendo kultur etxean Surf, arkitektura eta hirigintza izanako hitzaldia eskainiko dute EHUko arkitektura saileko adituekin, eta 26an berriz Big Wave Talks antolatu dute surf munduko adituekin, toki berean. Hilaren 25ean Aquariumean bilduko dira Olatu garbiak ingurumenari buruzko hitzaldietan, eta Okendon Surf, zibilizazio eta barbariea erakusketa irekiko dute. Bestalde, 27an Hurrengo olatua izeneko plana antolatu dute Zurriola hondartzan. Festa eta janaria ere protagonistak izango dira; 24an ongi etorri jaialdia antolatuko dute, eta jaialdiak irauten duen bitartean Plateselector Food Tour egingo dute, food truck onenekin, Saguesen. Jaialdiaren inguruko informazio guztia webgunean dago ikusgai.
