Irutxuloko Hitzaren azalen erakusketa, Rekalde tabernan
Abuztua bukaera arte izango dira ikusgai tokiko hedabidearen azken 10 urtetako azal batzuk.
Irutxuloko Hitzaren hamargarren urtemuga ospatzeko hainbat ekitaldi egiten ari gara. Horietako bat gure azalen erakusketa ibiltaria da. Azken 10 urteotako azalen aukeraketa bat zintzilikatu dugu Parte Zaharreko Rekalde tabernako paretetan. Abuztuaren bukaera arte izango dira ikusgai. Animatu eta gerturatu bertara! Ondoren, beste auzo batzuetan jarriko ditugu ikusgai, pixkanaka jakinaraziko dugun beste txoko batzuetan.
