“Donostiako Udala elkarlanean ari da gainerako euskal erakundeekin eta hirugarren sektorearekin erefuxiatuen krisiari erantzun eraginkorra emateko”

Irutxuloko Hitza

2015/09/03

Aitziber San Roman eta Duñike Arrizabalaga. (Argazkia: Donostiako Udala)

Gizarte Ekintzako zinegotzi-delegatu Aitziber San Romanek eta Kooperazioko zinegotzi-delegatu Duñike Agirrezabalagak adierazi dute, Udala gainerako erakundeekin elkarlanean arituko dela eta plangintza osoa egingo duela, iristen diren errefuxiatuen eskura udal zerbitzu guztiak jartzeko: “Donostiako Udala elkarlanean ari da gainerako euskal erakundeekin eta hirugarren sektorearekin errefuxiatuen krisiari erantzun eraginkorra emateko”. Ildo beretik, San Romanek eta Agirrezabalagak azpimarratu dute, erakunde bakoitzak ezin duela erabakirik hartu bere kabuz, baizik eta erakundeak elkarlanean aritu behar direla erantzun egokia emateko sortuko diren beharrei. Esan dute, Donostiako Udala gainerako erakundeekin elkarlanean arituko dela eta plangintza osoa egingo duela, iristen diren errefuxiatuen eskura udal zerbitzu guztiak jartzeko. “Drama honek nazioarteko muga guztiak gainditu ditu eta, Eusko Jaurlaritzak esan zuen bezala, euskal erakundeok horri aurre egiteko lan egiteko prest gaude, berriro ere, solidarioak garela eta beti laguntzeko prest gaudela erakutsiz”, gaineratu dute. “Orain erabaki behar dugu nolako trataera ematen diegun iritsiko diren pertsonei. Gogoan izan, errefuxiatuen egoera oso zaila dela, eskubide eta betebeharrak izan beharko lituzketela, baina bizi duten egoera dela-eta, erabaki gogorra hartu behar izan dutela bizirik irauteko. Egoera gogor horri aurre egiteko plangintza egin beharko dugu, beti, iristen diren pertsona horiei ahalik eta harrera egokiena egiteko”, jarraitu dute.