Eguzki, Ekologistak Martxan, Zero Zabor, EH Bildu, Irabazi Donostia eta hainbat talde eta sindikatuk antolatu dute protesta 11:00etan, Kontxako hondartzan.
Gipuzkoan erraustegia jartzearen aurkako manifestazioa antolatu dute hainbat talde eta erakundeek. (Argazkia: Ane Urrutikoetxea)
, igandea,
errausketaren aurkako manistezaziora deitu dute Kontxako hondartzan. Horrela,
giza katea egingo dute
11:00etatik 13:00etara, estropadekin batera. Manifestazioa hainbat talde politiko, erakunde, eta sindikatuek antolatu dute, hala nola, Eguzki, Ekologistak Martxan, Zero Zabor, Donostia Bizirik, Greenpeace, EH Bildu, Ezker Anitza, Irabazi Donostia, Equo, Podemos, LAB, ELA, CCOO eta beste hainbatek.
Protestaren antolatzaileek salatu dutenez, Gipuzkoan erraustegiaren eztabaida baztertuta zegoela uste zuten askok, baina EAJ-PSE-EE gobernu koalizioak errautegiaren proiektua berpiztu nahi dutela adierazi dute. Bestalde, aurreko legegintzaldietako birziklapen politiken ondorioz, gaikako bilketa %30etik %50era igaro zela gogoratu dute, hiriaren hondakin kopurua 225.600 tonatik 172.100 tonara gutxituz. Gainera, Gipuzkoako herri gehienetan zabor bilketan aldaketak egin direla adierazi dute, 69 herritan hondakinen ardia baino gehiago gaika biltzera iritsiz.
Horren aurrean, manifestaziora deitu duten ordezkariek salatu dute erraustegiarekin
kanpotik ekarri beharko dutela zaborra, eraikina errentagarria izan dadin: “Ezin dugu ulertu zertarako nahi duten 260.000 tona hondakin erreko dituen instalazioa, iaz 172.000 tona sortu zirenean, eta Europako legearen arabera hiri hondakinen %10-15 soilik ezingo denean erraustu”. Beraz, legearen arabera 30.000 tona edo gutxiago erraustuko liratekeela salatu dute; horren aurrean, kanpotik zaborra ekartzea litzateke erraustegia mantentzeko aukera bakarra.
Manifestazioaren antolatzaileek ingurugiro osasuntsuaren aldeko herritarrei luzatu diete deialdia, eta
giza kate jendetsua egitea espero dute hilaren 13an, estropadetako bigarren igandean.
