Euskadiko Orkestrak hainbat filmeren musika joko du Belodromoan
'Loreak', 'Lasa eta Zabala', 'Todo Sobre Mi Madre' eta 'Blancanieves' pelikuletarako egindako piezak interpretatuko dituzte, pantailan film horien irudiak proiektatzen diren bitartean.
‘Zinema musika: kontzertua eta proiekzioa’ emanaldiaren aurkezpena Orkestra Sinfonikoaren egoitzan. (Argazkia: Donostia Zinemaldia)eusk
Pantaila honetan proiektatuko dira Morgan Crea ekoiztetxe donostiarrak kontzertu honetarako espreski sortutako muntaketa bat. Euskadiko Orkestrak zuzenean interpretatuko dituen filmeen musika aukeraketan oinarritutako proiekzio bat izango da. Kontzertuaren egitarauak Alfonso de Vilallonga, Fernando Velázquez, Joan Valent, Pascal Gaigne eta Alberto Iglesias konpositoreek zinemarako egindako zatien aukeraketa bat biltzen du; soinu bandak honako filmetarako sortutakoak dira: Blancanieves (Pablo Berger), Zipi y Zape y el club de la canica (Oskar Santos), Las Brujas de Zugarramurdi (Álex de la Iglesia), honetan Donostiako Orfeoiko hainbat kide ariko delarik; Loreak (Jon Garaño eta Jose Mari Goenaga), Lasa eta Zabala (Pablo Malo) eta Pedro Almodóvarren Todo sobre mi madre, Hable con ella, La mala educación eta La piel que habito.
Orkestra Roman Gottwalden gidaritzapean ariko da emanaldi honetan. Urte eta urteetan Euskadiko Orkestra Sinfonikoa modu ezberdinetan izan da Zinemaldian: 1998an Belodromoan bertan kontzertu bat eskaini zuen Lalo Schifrin, Mission Impossible-erako musikaren sortzailearen zuzendaritzapean. Bestalde, musikaz lagundu ditu The crowd (King Vidor), Carmelo Bernaolaren musikaz, eta Wings (Zamecnik) filme mutuak eta Zinemaldirako zenbait sintonia ere grabatu du. Zinemaldiaren azken aldietan, berriz, Orkestrak Fernando Velázquezek The Impossible (Juan Antonio Bayona) filmerako idatzitako soinu banda estreinatu zuen zuzenean; eta SGAE Fundazioarekin batera antolatutako kontzertuetan, besteak beste Pájaros de Papel (Emilio Aragón), You’re the One y Tiovivo c. 1950 (José Luis Garci), Los crímenes de Oxford (Álex de la Iglesia), Frío sol de invierno (Pablo Malo) o Alatriste (Agustín Díaz Yanes) pelikuletako musika interpretatu du. Halaber, El mal ajeno (Oskar Santos) eta Ocho apellidos vascos (Emilio Martínez Lázaro) filmetako soinu bandak grabatu ditu. Eta berriki Aitaren Etxea, ETBren fikziozko telesail berriaren soinu banda irartu du; telesail hau Zinemaldiaren baitan aurre estreinatuko da.
Sarrera doakoa da eta beharrezkoa izango da aurrez gonbidapena jasotzea, irailaren 12tik 18ra, Zinemaldiak Elkargunean eta Okendo Plazan dituen informazio guneetan, 9:00etatik 20:00etara eta 10:00etatik 20:00etara, hurrenez hurren; eta baita Donostia Turismoa bulegoan, astelehenetik larunbatera 9:00etatik 20:00etara eta igandean, aldiz, 10:00etatik 19:00etara.
https://youtu.be/terzyhWkL_Q
