Donostia Kulturako Arte Eszenikoen udazkeneko programazioa aurkeztu dute; guztira, 42 kontzertu, 16 antzezlan eta 9 dantza ikuskizun izango ditu.
Donostia Kulturako Norka Chiapuso eta Miguel Martin. (Argazkia: Estitxu Zabala)
“Beti nabarmentzen dugu programazioaren aniztasuna, eta aurten ere anitza izango da, baina kantitatea da oraingoan azpimarragarriena, kalitateaz gain”, azaldu du Miguel Martinek, Donostia Kulturako Musika arduradunak. Hain zuzen ere, Donostia Kulturako Arte Eszenikoen udazkeneko programazioa aurkeztu du Martinek, Norka Chiapuso Antzerki eta Dantza arduradunarekin batera. Guztira, 42 kontzertu, 16 antzezlan eta 6 dantza ikuskizun izango dira prorgamazioa osatuko dutenak, urria eta abendua bitartean, hiriko hiru eszenatoki nagusietan: Viktoria Eugenia Antzokia, Antzoki Zaharra eta Egiako Gazteszena. Oskorriren agurra (jada ez da sarrerarik geratzen), Artedrama antzerki taldearen
Etxekoak eta Dantzaz konpainia donostiarraren
Aureo izango dira emanaldietako batzuk.
Musika sailean, abangoardiakoa, euskal musika eta nazioarteko taldeen emanaldiak banatu ditu Miguel Martinek. Abangoardiakoaren barnean,
Usandizagaren
Golondrinas nabarmendu du, Donostiako Orfeoiak eta Euskadiko Orkestra Sinfonikoak eskainiko dutena (
azaroak 28, Viktoria Eugenian). Horrekin bukatutzat emango dute Jose Mari Usandizagari eskainitako urtea. Gainontzean, Joserra Senperena loiolatarra, Mikel Urdangarin, Dire Straits eta The Musical box project eta Ken 7 izango dira hirian izango diren artistetako batzuk.
Dantza eta antzerki arloan ere aukera zabala izango da: Jamil taldearen
Zergatik, Magui Miraren
El discurso del rey, Emakume Ausartak taldearen
Tres, Goizaldi dantza taldearen
Gipuzkoako dantzak, Verdini dantza taldearen
Gure gaitasuna…
Ikuskizun guztietarako sarrerak jada salgai jarri dituzte, gaur goizean bertan
Donostia Kulturaren webgunearen bidez.
